बालोद, 21 अप्रैल 2020। लॉकडाउन के स्थिति म कलेक्टर श्रीमती रानू साहू के बताए मुताबिक जिला के आंगनबाड़ी केन्द्र के लइका मन अऊ गर्भवती-शिशुवती माता मन ल ऊंखर घर-घर जाके रेडी-टू-ईट (टी.एच.आर.) अऊ सूखा राशन के बांटे जात हे। महिला अउ बाल विकास विभाग के जिला कार्यक्रम अधिकारी श्री एच.आर.राना के बताती जिला स्तर म लॉकडाउन के स्थिति म आंगनबाड़ी कार्यकर्ता मन ह घर-घर जाके रेडी-टू-ईट फूड अउ गरम भोजन के संगेच हितग्राही मन ल सूखा राशन देवत हें। उमन बताइन के अब तक जिला म कुल 69 हजार 512 हितग्राही मन ल रेडी-टू-ईट (टी.एच.आर.) वितरण करे गए हे। मुख्यमंत्री सुपोषण अभियान अंतर्गत 02 हजार 418 एनिमिक महिला मन ल लॉकडाउन के बेरा म आंगनबाड़ी कार्यकर्ता मन के माध्यम ले सूखा राशन प्रदान करे जात हे।
बालोद म आंगनबाड़ी कार्यकर्ता मन ह 69 हजार 512 हितग्राही मन बांटिन रेडी-टू-ईट
