बालोद, श्री भूपेश बघेल ह आज जिला मुख्यालय बालोद के सर्किट हाउस म जिलाधिकारी मन के समीक्षा बैठक लेके महत्वपूर्ण निर्देश दीन। ये बेरा म संसदीय सचिव श्री कुंवर सिंह निषाद, विधायक श्रीमती संगीता सिन्हा, प्रभारी सचिव श्री अंकित आनंद, कमिश्नर श्री महादेव कांवरे, कलेक्टर श्री गौरव सिंह अउर जिला अधिकारी मौजूद रहिन।
मुख्यमंत्री ह कहिन कि नरवा योजना म मनखे मन के जुड़ाव बढ़ावव। हर एक नरवा ल नरवा योजना ले जोड़व। विशेषकर गुरुर क्षेत्र म जल के स्तर गिरत हे। जेन चिंता के विसय हे। इहां सबो नरवा ल नरवा योजना ले जोड़व। उमन कहिन कि मुख्यमंत्री सुपोषण योजना म गरम जेवन मिलय ये ठउका करव। मुख्यमंत्री ह कहिन कि अवैध शराब बिक्री ऊपर रोक लगय, संगेच ये ठउका करव के अवैध गतिविधि मन म लगे मनखे मन ऊपर कार्रवाई होवय।
मुख्यमंत्री ह कहिन कि निर्माण काम मन म गुणवत्ता सुनिश्चित होवय, गोठान, सीसी रोड अउ आन निर्माण काम मन म गुणवत्ता ले समझौता झन होवय। सीमांकन, बटांकन जइसे प्रकरण मन के जल्दी निराकरण करे जाए। अघोषित विद्युत कटौती के शिकायत मन के निराकरण करव। उमन कहिन कि जनता के शिकायत के समय म निराकरण करव। बैठक म मुख्यमंत्री श्री भूपेश बघेल ह अधिकारी मन ल बने काम मन बर शुभकामना दीन।
मुख्यमंत्री ह लीन अधिकारी मन के समीक्षा बैठक नरवा योजना ले नरवा ल जोड़ के जलस्तर ल बढ़ावव
