मुख्यमंत्री हाट बाजार क्लिनिक योजना जिला के ग्रामीण अऊ दूरस्थ क्षेत्र मन के मनखे मन बर बनिस वरदान

बालोद, 19 दिसम्बर 2020। शासन के महत्वाकांक्षी मुख्यमंत्री हाट बाजार क्लिनिक योजना जिला के ग्रामीण अऊ दूरस्थ क्षेत्र मन के मनखे मन बर वरदान बने हे। जिला के सबो विकासखण्ड मन के कुल 50 हाट बजार मन म मुख्यमंत्री हाट बाजार क्लिनिक योजना के संचालन करे जात हे। जेमां बालोद, डौण्डी, डौण्डीलोहारा, गुण्डरदेही अऊ गुरूर विकासखड के 10-10 हाट बाजार सामिल हे। मुख्यमंत्री हाट बाजार क्लिनिक योजना के अंतर्गत जऊन ग्रामीण दूर स्वास्थ्य संस्था तक या शहर के अस्पताल तक नइ पहुंच पात रहिन। ओ मन ल स्वास्थ्य टीम ह हाट बाजार म शिविर के माध्यम ले बीमारी मन के पहिचान करके परामर्श देवत हें। स्वास्थ्य विभाग के अधिकारी मन के बताती मुख्यमंत्री हाट बाजार क्लिनिक योजना के तहत् बुखार, मलेरिया के जॉच अऊ उपचार, एचआईव्ही के जॉच, टी.बी.के जॉच, रक्तचाप जॉच, रक्तअल्पता के जॉच, मधुमेह के जॉच, गर्भवती महिला मन के जॉच अऊ परामर्श, लइका मन के टीकाकरण, नेत्र विकार संबंधी जॉच, डायरिया प्रकरण जइसे बीमारी मन के जॉच करे जाथे।