रायपुर म राज्य स्तरीय युवा महोत्सव 12 जनवरी ले 14 जनवरी तक
बालोद, राज्य स्तरीय युवा महोत्सव के आयोजन राजधानी रायपुर म 12 जनवरी ले 14 जनवरी 2020 तक करे जाही। युवा महोत्सव म बालोद जिला के करीबन 315 भाग लेवइया कई विधा मन म अपन प्रतिभा के प्रदर्शन करहीं। जेमां 128 महिला भाग लेवइया अऊ 187 पुरूष भाग लेवइया सामिल हे। जिला खेल अधिकारी कोति ले दिए गए जानकारी के मुताबिक राज्य स्तरीय युवा महोत्सव बर जिला के चुने गए भाग लेवइया 11 जनवरी के बिहनिया 10 बजे बस ले रायपुर बर प्रस्थान करहीं।
राज्य स्तरीय युवा महोत्सव म जिला ले फुगड़ी, भौंरा, गेंड़ी दौड़, पारम्परिक वेशभूषा अऊ कत्थक म एक-एक भाग लेवइया अपन प्रतिभा के प्रदर्शन करहीं। फूड फेस्टिवल, चित्रकला, वाद-विवाद, हारमोनियम वादन, तबला वादन, बॉसुरी वादन अऊ शास्त्रीय गायन म दू-दू भाग लेवइया (15 साल ले 40 साल अऊ 40 साल ले अधिक) अपन प्रतिभा के प्रदर्शन करहीं। लोक नृत्य म 15 साल ले 40 साल तक के 22 भाग लेवइया अऊ 40 साल ले जादा के 20 भाग लेवइया, सुआ नृत्य म 15 साल ले 40 साल तक के 15 भाग लेवइया अऊ 40 साल ले जादा के 12 भाग लेवइया, पंथी नृत्य म 15 साल ले 40 साल तक के 20 भाग लेवइया अपन प्रतिभा के प्रदर्शन करहीं। करमा नृत्य म 15 साल ले 40 साल तक के 20 भाग लेवइया अऊ 40 साल ले जादा के 19 भाग लेवइया, बस्तरिहा नृत्य म 15 साल ले 40 साल तक के 15 भाग लेवइया, राऊत नाचा म 15 साल ले 40 साल तक के 15 भाग लेवइया, लोकगीत म 15 साल ले 40 साल तक के 07 भाग लेवइया अऊ 40 साल ले जादा के 10 भाग लेवइया अपन प्रतिभा के प्रदर्शन करेंगे। एकंाकी नाटक म 15 साल ले 40 साल तक के 12 भाग लेवइया अऊ 40 साल ले जादा के घलोक 12 भाग लेवइया अपन प्रतिभा के प्रदर्शन करहीं। अइसनहे आन विधा मन म घलोक भाग लेवइया अपन प्रतिभा के प्रदर्शन करहीं।
