बालोद, जिला मुख्यालय के संयुक्त जिला कार्यालय पहुंचे तीन दिव्यांग मन ल बैटरी चलित ट्रायसायकल देके उंखर रद्दा सरल कर देहे गे हे। कलेक्टर खुदे दिव्यांगजन तिर जाके उंखर समस्या ल सुनिन। डौण्डी विकासखण्ड के दल्लीराजहरा निवासी दिव्यांग श्री गजानंद साहू, कु.लीला साहू अऊ कु.खेमीन मानिकपुरी ह कलेक्टर ल बताइन कि ओ मन पांव ले दिव्यांग हें। दिव्यांगता के सेती उमन ल रोज के कामकाज म परेशानी होथे। उमन कलेक्टर ल आवेदन सउंपके बैटरी चलित ट्रायसिकल देवाए के मांग करे रहिन।
कलेक्टर ह दिव्यांगजन के आवेदन उपर सहानुभूतिपूर्वक विचार करत समाज कल्याण विभाग के अधिकारी ल निर्देशित कर बैटरी चलित ट्रायसिकल उपलब्ध कराए के निर्देश दीन। कलेक्टर के निर्देश म जल्दी कार्यवाही करत बैटरी चलित ट्रायसिकल उपलब्ध कराए गीस। कलेक्टर श्रीमती साहू ह दिव्यांगजन मन ल बैटरी चलित ट्रायसिकल प्रदान करके ओ मन ल शुभकामना दीन। बैटरी चलित ट्रायसिकल पाके दिव्यांग श्री गजानंद साहू, कु.लीला साहू अऊ कु.खेमीन मानिकपुरी ह खुशी जाहिर करत कहिन कि ओ मन अब बैटरी चलित ट्रायसिकल के मदद ले अपन रोज के काम मन के संगेच कोनो भी काम बर आना जाना कर सकत हें।
