बलौदाबाजार, कलेक्टर रजत बंसल के हुकुम के मुताबिक जिला पंचायत सीईओ गोपाल वर्मा पलारी जनपद पंचायत के अंर्तगत ग्राम घोटिया म पहुँचके पैरादान करइया मन के उछाह बढ़ाईन। ये अभियान ल चालू करे के एके घंटा के भीतर 15 किसान मन ह पैरादान करे के सहमति दे दीन। पैरादान कराए म सरपंच, जनपद सदस्य संग आन के विशेष भूमिका रहिस। सबो किसान मन ह पैरादान करे खातिर अड़बड़ उत्सुकता जाहिर करिन। मौका म 4 किसान मन ह 5 ट्रैक्टर पैरादान करिन। जानबा हे कि पंचायत संग आन विभाग मन के मैदानी अमला, पैरादान करे बर घर-घर अभियान चलावत हें। ये बेरा म पलारी सीईओ रोहित नायक संग आन अधिकारी गण उपस्थित रहिन।
बलौदाबाजार : किसान मन उछाह ले करत हें पैरादान
