मुख्यमंत्री श्री साय के हुकुम म संचार प्रतिनिधि कल्याण समित ह पास करिस रकम
रिर्पोटिंग के समय मोटरसायकल दुर्घटनाग्रस्त होए म राज्य म पहली पइत पास होइस आर्थिक सहायता
रायपुर, 18 जून 2024/ बलौदाबाजार जिला मुख्यालय म बीते 10 जून के घटित आगजनी के घटना म एक पत्रकार के मोटरसायकल ल उत्पाती मन जला देहे रहिन। मुख्यमंत्री श्री विष्णु देव साय के हुकुम म राज्य संचार प्रतिनिधि कल्याण समित ह आज 50 हजार रूपिया के आर्थिक सहायता वो पत्रकार बर स्वीकृत करिस। मीडिया प्रतिनिधि मन ल गंभीर बीमारी अऊ दुर्घटना के स्थिति म आर्थिक सहायता तो स्वीकृत करे जात रहिस फेर प्रदेश म अइसन पहला मामला हे जब रिर्पोटिंग के समय पत्रकार के मोटरसायकल दुर्घटनाग्रस्त होए म राज्य सरकार के संवेदनशील पहल म संचार प्रतिनिधि कल्याण समिति ले पत्रकार ल 50 हजार रूपिया के आर्थिक सहायता राशि स्वीकृत करे गए हे।
जनबा हे कि जनसंपर्क आयुक्त श्री मयंक श्रीवास्तव के अध्यक्षता म आज संचालनालय म राज्य संचार प्रतिनिधि कल्याण सहायता समिति के बैठक आयोजित होईस। बैठक म मीडिया प्रतिनिधि मन के आन प्रकरण मन के निराकरण करत बलौदाबाजार जिला म बीते 10 जून के आगजनी के घटना म ए.एन.आई. के रिपोर्टर श्री अजय यादव के मोटर सायकल जल जाय ले ओ ल समिति ह 50 हजार रूपिया के आर्थिक सहायता स्वीकृत करे हे। बैठक म वरिष्ठ पत्रकार अऊ राज्य संचार प्रतिनिधि कल्याण सहायता समिति के सदस्य श्री जोसेफ पी. जान, श्री सुभाष मिश्रा, श्री दीपक लखोटिया, श्री संजय दीक्षित, श्री आर.के. गांधी, श्री टी.सूर्याराव, श्री प्रणय राज सिंह राणा अऊ समिति के सदस्य सचिव अपर संचालक श्री संजीव तिवारी उपस्थित रहिन।
