बलौदाबाजार, कलेक्टर श्री सुनील कुमार जैन ह आज राष्ट्रपिता महात्मा गांधी के 152 वां जयंती के पावन अवसर म ओ मन ल सादर नमन करिन। श्री जैन ह जिला कार्यालय परिसर म स्थापित महात्मा गांधी के प्रतिमा उपर माल्यार्पण करके श्रद्धासुमन अर्पित करिन। संगेच पूर्व प्रधानमंत्री लाल बहादुर शास्त्री जी नमन करत ऊंखर योगदान मन ल सुरता करिन। उमन उपस्थित सबो अधिकारी अऊ कर्मचारी मन ल राष्ट्रपिता के सपना के मुताबिक अपन कर्तव्य अऊ दायित्व निभाए के आव्हान करिन। कलेक्टर ह संविधान बनइया बाबा साहब अंबेडकर के प्रतिमा म घलोक माल्यार्पण करके ओ मन ल नमन करिन। संगेच जिला ल कुष्ठ रोग मुक्त बनाए, कुष्ठ मरीज मन के संग कोनो प्रकार के भेदभाव अऊ छुआछूत ना करे बर कलेक्टर सुनील कुमार जैन ह उपस्थित अधिकारी मन कर्मचारी मन ल शपथ देवाईन। ये बेरा म आईएस एसडीएम प्रतिष्ठा ममगाईं, सँयुक्त कलेक्टर अनुपम तिवारी, डिप्टी कलेक्टर के एल सोरी, आशीष कर्मा संग संयुक्त जिला कार्यालय के अधिकारी-कर्मचारी उपस्थित रहिन।
बलौदाबाजार कलेक्टर ह जयंती म राष्ट्रपिता ल करिन नमन
