बलौदाबाजार : गौठान ह बदलिस गांव अउ महिला मन के पहचान

महिला मन गौठान म बनात हे खीला अउ चौन लिंक्ड फेंसिंग जाली तार, 25 लाख रुपिया के मिलिस एडवांस ऑर्डर
बलौदाबाजार, राज्य शासन के महत्वाकांक्षी नरवा,गरूवा, घुरूवा अउ बाड़ी योजना के अंतर्गत गांव म निर्मित करे गए गौठान के माध्यम ले अब गांव अउ महिला ल एक नवा पहचान मिलत हे।
बलौदाबाजार-भाटापारा जिले के विकासखंड भाटापारा के आदर्श ग्राम गुड़ेलिया म नारी शक्ति ग्राम संगठन के महिला द्वारा लोहा के खीला अउ चौन लिंक्ड फेंसिंग जाली तार बनात हे। लगभग 13 दिन पूर्व प्रारंभ होए उक्त यूनिट ले अभी तक कुल 2 क्विंटल खीला अउ चौन लिंक्ड फेंसिंग जाली तार के 25 रोल के निर्माण हो गए हे। समूह के बारे म जानकारी देते हुए बताय गईस कि हमार संगठन म गांव के कुल 20 महिला समूह के कुल 200 महिला काम करत हे। हमारे ईहां फ्लाईएश ब्रिक्स, पेवर ब्लॉक, मसाला, चप्पल, दोना-पत्तल समेत अन्य निर्माण काम करे जाथ हे।
अधिकार पत्र म राखथे कामकाज के हिसाब
गांव के सरपंच अउ उपसरपंच के सक्रियता ले समूह के सदस्य मन के काम काज के हिसाब,मजदूरी के भुगतान अउ रोटेशन म काम के विस्तृत जानकारी ब जम्मो सदस्य मन अधिकार पत्र पुस्तिका प्रदान करे गए हे। जेमा प्रतिदिन उपस्थिति समेत अउ आने जानकारी दर्ज करे जाथे।