बलौदा बाजार,19 जून 2024। अंतर्राष्ट्रीय योग दिवस म होवइया जिला स्तरीय कार्यक्रम के तियारी आज ले चालू कर दे गए हे। ए सिलसिला म बलौदाबाजार – भाटापारा कलेक्टर श्री दीपक सोनी ह सम्बंधित जिला अधिकारी मन के संग बैठक कर के तियारी ल शत प्रतिशत ठउका करे के हुकुम देहे हें।
श्री सोनी के बताती पहिली के मुताबिक नवीन मंडी परिसर म मुख्य कार्यक्रम के आयोजन होही। जेमे जिला के प्रभारी अउ कैबिनेट मंत्री श्री श्याम बिहारी जायसवाल मुख्य अतिथि के रूप म सामिल होही। उमन कहिन स्कूली लइका निरधारित स्थल म पहुँचंय ये ठउका करे के जिम्मेदारी जिला शिक्षा अधिकारी के हे।
मौका म पेयजल,मेडिकल, जनरेटर, विघुत,पार्किंग,गद्दा,टाट पट्टी जइसे व्यवस्था ल ठउका करे के निर्देश सम्बंधित अधिकारी मन ल देहे गए हे। एखर बर विभागवार जिम्मेदारी तय कर देहे गए हे। जेमे मुख्य रूप ले मंच अउ साउंड सिसटम लोक निर्माण विभाग,पेयजल अउ साफ सफाई नगर पालिका बलौदाबाजार, स्वल्पाहार खाद्य विभाग, पानी पीएचई, योग प्रशिक्षण आयुष, शिक्षा अउ समाज कल्याण विभाग समन्वय अउ मंच संचालन शिक्षा विभाग सामिल हे।
जानबा हे कि विश्व योग दिवस के अवसर म 21 जून के जिला स्तरीय सामूहिक योगाभ्यास के कार्यक्रम जिला मुख्यालय स्थित कृषि उपज मंडी प्रांगण म भिनसरहा 7 बजे ले 8 बजे तक आयोजित करे जाही। जेमे अधिकारी मन ल भिनसरहा 6.30 बजे तक उपस्थित होए के निर्देश देहे गए हे।
