बलौदाबाजार : दिव्यांगजन मन क़ो मिलीस ट्राईसिकल अउ वाकिंग स्टिक

बलौदाबाजार, 20 मई 2025। सुशासन तिहार 2025 अंतर्गत समाज कल्याण विभाग कोति ले मिले आवेदन मन के निराकरण के संग हितग्राही मन ल उपकरण प्रदाय करे जात हे। इही कड़ी म 15 अउ 19 मई के दिव्यांगजन मन ल ट्राई सिकल अउ वाकिंग स्टिक प्रदान करे गीस।
मिले जानकारी के मुताबिक समाज कल्याण विभाग कोति ले जिला कार्यालय म ग्राम चारौदा के राजकुमार पटेल, औरठी के टोपाराम साहु, शत्रुहन यादव, ग्राम टोनाटार के नारायण प्रसाद यादव ल ट्राई सिकल वितरण करे गीस। अइसनहे ग्राम सुनसुनीया के संजय साहु, देवगांव के दुकलहा पाटले ल हस्त चलित ट्राईसिकल अउ ग्राम रवान के महेन्द्र शर्मा ल वाकिंग स्टिक प्रदान करे गीस।
ए बेरा म उप संचालक समाज कल्याण अरविन्द गेड़ाम संग विभाग के अधिकारी कर्मचारी उपस्थित रहिन।