कसडोल,3 सितंबर 2020। बलौदाबाजार पुलिस ह गांजा तस्करी करत दु आरोपी ल गिरफ्तार करिन हे। आरोपी के तिर ले पुलिस ह 360 किलो गांजा बरामद करिस हे। गिरफ्तार करे गए आरोपी मन के नाम प्रफुल्ल अउ कृष्णा हे दुनो महाराष्ट के गोंदिया के रहवइया हे। बताय जावत हे कि दुनो आरोपी स्वराज माजदा गाड़ी म लेके ओडिशा ले गोंदिया महाराष्ट्र ले जावत रिहिस हे। मुखबीर द्वारा सूचना मिले म गिधौरी थाना पुलिस पुलिनी मोड़ के तिर गाड़ी ल पकड़ीन। गाड़ी के तलाशी ले बाद ओकर अंदर 360 किलो गांजा बरामद करिन। जेकर कीमत 18 लाख रुपिया बताए जावत हे।
गिधौरी थाना प्रभारी ओम प्रकाश त्रिपाठी ह बतइन कि मुखबिर के सूचना के आधार म पुलिनी के तिर घेराबंदी करके माजदा पकड़ पायेन। आरोपी के खिलाफ नारकोटिक्स एक्ट के तहत कार्रवाई करे जावत हे।
