बिहान योजना ले बदलिस जिंदगी, श्रीमती श्यामबाई बनिस लखपति दीदी

बलरामपुर, छत्तीसगढ़ म महिला मन ल आर्थिक सशक्तिकरण के दिशा म सरलग आगू बढ़ाय वाले बिहान योजना बहुत अकन महिला मन के जीवन म सकारात्मक बदलाव लावत हे। ये योजना के अंतर्गत बलरामपुर जिला के वाड्रफनगर विकासखंड के ग्राम पंचायत गोवर्धनपुर के निवासी श्रीमती श्यामबाई आज ‘लखपति दीदी’ बनके नवा प्रेरणा के स्रोत बने हे।
पहिली आर्थिक तंगी अऊ पारिवारिक जिम्मेदारी ले घिरे श्रीमती श्यामबाई के परिवार म स्थायी आय के कोनो साधन नइ रहिस। कठिन परिस्थिति म ही ओ ल छत्तीसगढ़ राज्य ग्रामीण आजीविका मिशन (बिहान) के बारे म जानकारी मिलीस अऊ उमन एखर से जुड़े के निर्णय लीन।
बिहान योजना ले जुड़े के बाद  श्रीमती श्यामबाई ह किराना दुकान शुरू करिस। वोखर परिश्रम अऊ दृढ़ इच्छाशक्ति के संग योजना ले मिले सहायता के परिणामस्वरूप दुकान के आय बढ़त गइस। धीरे-धीरे परिवार के आर्थिक स्थिति मजबूत हो गे अऊ आज वोखर वार्षिक बचत लगभग 1 लाख 10 हजार रुपिया तक पहुँच गए हे।
ए उपलब्धि बर ओ ह प्रधानमंत्री श्री नरेंद्र मोदी अउ मुख्यमंत्री श्री विष्णु देव साय ल धन्यवाद देवत कहत हे के शासन कोति ले संचालित जनकल्याणकारी योजना मन महिला मन ल आत्मनिर्भर बने के अवसर देत हे। हमला ए योजना मन के लाभ उठाके अपन जीवन ल बेहतर बनाना चाही।
बिहान योजना महिला मन ल आर्थिक सुरक्षा, स्वरोजगार अऊ सामाजिक आत्मविश्वास प्रदान करके ओ मन ल समाज म सशक्त भूमिका निभाए के अवसर देवत हे। श्यामबाई के सफलता आन महिला मन बर प्रेरणादायक उदाहरण बन गे हे।