दिव्यांग कौशल्या ल मिलीस मोटराईज्ड ट्रायसायकल

बलरामपुर, समाज कल्याण विभाग ह दिव्यांगजन मन के सुविधा बर कई ठन योजना के संचालन करत हे। शारीरिक रूप ले अक्षम दिव्यांग मनखे मन ल वोखर सहोलियत बर विभाग ह ट्रायसायकल देवत हे।
कलेक्टर श्री कुन्दन कुमार के बताए रद्दा के मुताबिक अपर कलेक्टर श्री एस.एस.पैंकरा ह दिव्यांग कौशल्या जायसवाल ल मोटराईज्ड ट्रायसायकल दीस। विकासखण्ड कुसमी के ग्राम नवाडीह निवासी कौशल्या जायसवाल 90 प्रतिशत पैर ले दिव्यांग हे अऊ ओ ल चले-फिरे म दिक्कत होत रहिस। समाज कल्याण विभाग ले मोटराईज्ड ट्रायसायकल मिले ले वोखर आए-जाए के समस्या दूर हो गे अऊ आन मनखे उपर निर्भरता कम होए ले ओ ह अपन काम आसानी ले कर पाही।