कृषि विभाग कोति ले 94665 घुरूवा उन्न्यन अउ 2503 भू-नाडेप के निर्माण
बलरामपुर, ग्रामीण क्षेत्र मन म किसान मन अउ ग्रामीण जनता के जीवन म घुरूवा एक अभिन्न अंग हे। ग्रामीण अर्थव्यवस्था ले जुड़े “सुराजी गांव योजना“ जेमां छत्तीसगढ़ के चार चिन्हारी नरवा, गरूवा, घुरवा, अउ बाड़ी म घुरवा संवर्धन एक महत्वपूर्ण कार्यक्रम हे। कलेक्टर श्री संजीव कुमार झा के मार्गदर्शन म संगवारी भावना के तहत् कृषि विभाग के मैदानी अमला मन कोति ले बलरामपुर-रामानुजगंज जिला म चुने गए 62 गांव मन के गौठान म घुरूवा घटक के तहत् किसान मन के खेत-बाड़ी म परम्परागत् घुरूवा के उपयोग ल बढ़ावा देहे खातिर, किसान मन ल प्रोत्साहित करके स्वप्रेरणा ले ट्राईकोडर्मा अउ डिकम्पोजर से उपचारित करके घुरूवा उन्नयन कराये जात हे।
उप संचालक कृषि श्री अजय कुमार अनन्त ह बताइस हे कि जिला म अब तक 94665 घुरूवा उन्नयन अउ 2503 भू-नाडेप के निर्माण पूरा कर ले गए हे। जेखर उपयोग ले रासायनिक उर्वरक के खपत कम होही। जैविक खाद के उपयोग ले उत्पादकता, पौष्टिकता अउ गुणवत्ता म बढ़ोत्तरी होगी, जेखर से मानव स्वास्थ्य म रसायनिक उर्वरक मन के परयोग ले उत्पन्न दुष्प्रभाव ल कम करे जा सकत हे। उन्हें खेती जमीन के भौतिक संरचना म सुधार होही, अउ जैविक खाद डारे ले जमीन के जल धारण क्षमता बाढ़ही अउ उत्पादन म बढ़ोतरी होही। उपचारित घुरूवा के पूरा पके खातू ले खरपतवार अउ कीट व्याधि घलोक कम हो जाथे। उमन बताइस कि प्रधानमंत्री के साल 2022 तक किसान मन के आय म बढ़ोतरी के कार्यक्रम ल घुरूवा उन्नयन करके सफल बनाये जात हे। जिला म राष्ट्रीय ग्रामीण आजीविका मिशन के तहत् जिला
के स्व-सहायता समूह के महिला मन ल उन्नत घुरूवा निर्माण के प्रशिक्षण दे गए हे, जेखर से स्व-सहायता समूह के महिला मन जैविक खाद तियार करके अपन खेत मन म उपयोग के संग आन किसान मन ल जैविक खाद बेचके जादा लाभ प्राप्त कर सकत हें, जेखर से किसान परिवार के आर्थिक स्थिति म सुधार आही।