डिजिटल बैंकिग सुविधा अऊ डिजिटल ट्रांजेक्शन ल बढ़ावा देहे करे गीस कैम्प के आयोजन

बलरामपुर, मुख्य कार्यपालन अधिकारी जिला पंचायत के निर्देश के मुताबिक जनपद पंचायत बलरामपुर के ग्राम पंचायत विश्रामनगर म आजादी के अमृत महोत्सव के तहत डिजिटल बैंकिंग सुविधा अऊ डिजिटल ट्रांजेक्शन ल बढ़ावा देहे बर कैम्प के आयोजन करे गीस। ये कैम्प म ग्राम पंचायत के सरपंच, जनप्रतिनिधि अऊ स्व-सहायता समूह के महिला अऊ गांव वाले मन ह भाग लीन। कैम्प म बैंक मैनेजर के.एम. सिंह अऊ डीपीएम सिमेन्द्र सिंह ह फाइनेंसियल लिटरेसी के प्रशिक्षण दीन।
जानबा हे कि बैंक मित्र, बैंक सखी, वीएलई, सीएससी सेंटर मन के माध्यम ले पेंशन हितग्राही मन ल घर पहुंचके पेंशन राशि के भुगतान करे जात हे। अइसन हितग्राही जेन स्वास्थ्यगत या आन कारण ले पइसा लेहे बैंक तक नइ जा सकयं, ओ मन ल घर पहुंच के पेंशन के राशि देहे जात हे। जेखर से हितग्राही मन ल बैंक जाना नइ परत हे अऊ ना ही लाईन म लगे के जरूरत हे। जेखर से समय, श्रम अऊ पइसा के घलोक बचत होथे।
ये बेरा म उप संचालक समाज कल्याण विभाग चन्द्रमा यादव, जनपद सीईओ के.के. जायसवाल, एनआरएलएम के अशोक विश्वास, बीपीएम अनिल खलखो, संग ग्रामीण जन उपस्थित रहिन।