बलरामपुर, 27 दिसंबर 2023। हर नागरिक के सपना होथे हे कि ओखर अपन एक पक्का मकान होo;, जेमां वो अपन परिवार के संग आराम से जीवन व्यतीत कर सकय। फेर आर्थिक स्थित सही नइ होए के सेती सबो के ये सपना सकार नइ हो पावय। अइसनहे गरीब अउअसहाय मन के अधूरा सपना ल साकार करे खातिर सासन कोति ले ‘प्रधानमन्त्री आवास योजना‘ चलाए जात हे, जेखर माध्यम ले अइसन गरीब असहाय जिंंकर तिर अपन पक्का मकान नइ रहिस अऊ गरीबी के सेती वो मन अपन घर नी बना सकत रहिन वो मन ल ये योजना के लाभ देके गरीब मन के सपना साकार करे जात हे। कहे जा सकत हे कि ‘प्रधानमंत्री घर योजना‘ गरीब मन बर वरदान साबित होवत हे।
श्रीमती लाखो दिवाकर ग्राम भगवतपुर ग्राम पंचायत जम्होर विकास खण्ड शंकरगढ़ के निवासी ये तेन बताइस कि मोर पति के देहान्त हो गए हे पति के मृत्यु के बाद मोर जिन्दगी म चारो कोति अंध्रिायारी छा गए रहिस। मोर कच्चा भिथिया के अड़बड़ जुन्ना घर रहिस जेकर छांधी तको टूटे- फुटे रहिस। छांधी के उपर पन्नी तानके गुजर-बसर चलत रहिस। बरसात के दिन म जब मूसलाधार बरसात होवय, त मोर घर के भितरी पानीच पानी भर जाए। जेखर से मोला अऊ मोर परिवार ल बहुत दिक्कत के सामाना करना परत रहिस। पति के देहांत के बाद घर म कोनो कमाऊ सदस्य नइ होए के सेती घर बनवाए के दूर-दूर तक कोनो उम्मीद नइ दिखत रहिस। एक दिन ग्राम पंचायत सचिव के माध्यम ले प्रधानमंत्री आवास योजना के पता चलिस तब मै ह घलोक पक्का घर के भरोसा म आवेदन कर देंंव। कुछ दिन बाद मोर आवेदन पास होए के सूचना मिलीस। पहली पइत मोला यकीन नइ होइस, फेर जब मै ह बैंक जाके पता करेंव त मोर खाता म पइसा आ गए रहिस। मै ह अपन घर बनवाना शुरू कर देंंव। तीन किश्त म घर के पइसा अऊ मनरेगा के मजदूरी मिलाके मिले पइसा ले अपन घर बनवाएंव, ये पक्का घर ले मोला काफी मदद मिलत हे। मै सरकार ल धन्यवाद देवत हंव कि जेकर से मोर जइसे निराश्रित गरीब महिला के बारे म सोचिस अऊ घर बनवाए बर पइसा देके मोर अंधियारी जिन्दगी म अंजोर लाय के काम करिस।
