भेंट-मुलाकात: मुख्यमंत्री के निर्देश म जल्दी अमल

देवंती यादव के कई बछर ले लंबित सीमांकन प्रकरण के होइस जल्दी निराकरण
आरागाही म भेंट-मुलाकात के समय देवंती ह मुख्यमंत्री ले मिलके बताए रहिस समस्या
बलरामपुर-रामानुजगंज, जिला प्रशासन ह ग्राम बेलसर के निवासी देवंती यादव के जमीन के सीमांकन कर देहे हे। देवंती यादव ह 5 मई के मुख्यमंत्री श्री भूपेश बघेल ले ग्राम आरागाही म भेंट-मुलाकात के समय मुलाकात करके उंखर से अपन आधिपत्य के जमीन के सीमांकन कराए के निवेदन करे रहिन। देवंती यादव ह बताए रहिस कि वो ह 2010 म ये जमीन खरीदे हे, फेर अब तक ये जमीन के सीमांकन नइ हो पाए हे। ये बात म मुख्यमंत्री ह जिला प्रशासन के अधिकारी मन ल देवंती यादव के जमीन के सीमांकन जल्द से जल्द कराए के निर्देश देहे रहिन। जमीन के सीमांकन होए म देवंती यादव अब खुश हे। वो ह मुख्यमंत्री के प्रति आभार जताए हे।
मुख्यमंत्री के निर्देश के बाद जिला प्रशासन कोति ले जिला के शंकरगढ़ तहसील के ग्राम बेलसर के निवासी देवंती यादव के जमीन के सीमांकन बर जिला स्तरीय टीम गठित करे गीस। सीमांकन बर गठित जिला स्तरीय टीम ह 18 मई के देवंती यादव के ग्राम बेलसर म स्थित 2.021 हेक्टेयर जमीन के सीमांकन करके चारों कोति के चौहद्दी चिन्हित करके सीमा बता दिए गीस। ये जमीन के रकबा के नक्शा बटांकन के मुताबिक दू हिस्सा म मिलाके बेचइया के शेष जमीन उत्तर पूर्व दिशा म देके रकबा के पूर्ति करे गीस। टीम ह मौका म देवंती यादव, अनावेदक, चौहद्दी के रकबा के कृषक अऊ ग्रामवासी मन के आगू सीमांकन के काम होइस, जेखर से सबो पक्ष संतुष्ट हे। देवंती यादव ह अपन जमीन के सीमांकन होए म मुख्यमंत्री ल धन्यवाद दीन।