जशपुर, 6 नवंबर 2020। ग्रामोद्योग मंत्री गुरु रूद्रकुमार के मार्गदर्शन म हस्तशिल्प विकास बोर्ड ह बँसोड जनजाति के महिला मन ल जिहां रोजगार के मुख्यधारा ले जोड़े गए हे। जशपुर जिला के महिला मन द्वारा तैयार करे गए बॉस के लैंप अउ मोमबत्ती मन दीपावली म जगमगाही। छत्तीसगढ़ राज्य शासन के मंशा के अनुरूप हस्तशिल्प विकास बोर्ड हस्तशिल्पकार मन बर हर संभव प्रयास करे जावत हे।
राज्य के सुदूर सीमावर्ती जिला जशपुर के कांसाबेल विकासखंड म महिला स्व-सहायता समूह द्वारा बांस ले विभिन्न प्रकार के सामग्री तैयार करे जावत हे। इहां बंसोड़ जनजाति के महिला मन द्वारा बांस ले मोमबत्ती, लैम्प अउ अन्य आकर्षक चीज मन ल तैयार करत हे। विभाग ले मिले जानकारी के अनुसार समूह के महिला मन ह बताइस कि 15 महिला मिल के बांस ले अनेक प्रकार के आकर्षक वस्तु मन ल बनावत हे। जेखर ले उंखर आमदनी म बढ़ोतरी होवत हे। ओमन बताइस कि 350 रुपिया के एक सेट म 6 नग बांस ले बने कैंडल दिया, जेखर नाम शुभम देहे गए हे। बांस ले निर्मित लैम्प घलो बनाए गए हे जोन म 250 रुपिया के एक सेट म 3 नग हे जेखर नाम कल्यानम देहे गए हे। महिला समूह द्वारा उत्पादित सामग्री मोबाइल नंबर 9644774974 म संपर्क करके पार्सल ले घलो मंगाया जा सकत हे।
