खमडोगी जलाशय म बंबू राफ्टिंग अऊ नौकायन के शुरुआत होइस

पर्यटन ले स्थानीय मनखे मन ल रोजगार मिलही
रायपुर, ए पहल राज्य सरकार के ग्रामीण पर्यटन विकास नीति अउ स्थानीय रोजगार सृजन के दिशा म एक महत्वपूर्ण कदम हे। ए कार्यक्रम ल संबोधित करत विधायक श्री नितम ह कहिन के खमढोगी जइसे जगा म पर्यटन के अपार संभावना हे अऊ ए पहल ले स्थानीय लोगन ल रोजगार के नवा अवसर मिलही। उमन पर्यटन विकास बर 50 लाख रूपिया देहे के घलो घोषणा करिन। ए बेरा म कलेक्टर श्री निलेश क्षीरसागर ह बताइन के ए योजना क्षेत्र के विकास अऊ युवा मन ल रोजगार ले जोड़े के सशक्त माध्यम बनही। उमन कहिन के भविष्य म इहां ट्रेकिंग, होम स्टे अऊ अन्य पर्यटन सुविधा मन के घलोक विस्तार करे जाही।
ए बेरा म विधायक अऊ कलेक्टर ह जलाशय म नौकायन करके एकर आनंद लीन अऊ ‘एक पेड़ मां के नाम’ अभियान के तहत वृक्षारोपण करके पर्यावरण संरक्षण के संदेश घलो दीन। ए कार्यक्रम म नगर पालिका अध्यक्ष श्री अरुण कौशिक, उपाध्यक्ष श्री उत्तम यादव, जिला पंचायत सदस्य सुश्री मृदुला भास्कर, पूर्व विधायक श्री शिशुपाल शोरी, स्थानीय जनप्रतिनिधि अऊ बड़ संख्या म ग्रामीण उपस्थित रहिन।