कोरोना के कहर : डोंगरगढ़ म मंदिर दर्शन करे म लगिस प्रतिबंध, स्वास्थ्य विभाग ह कहिन- हमर तइयारी पूरा

रायपुर। देश भर म तेजी ले फैलत कोरोना वायरस के महामारी के चलत राज्य सरकार ह एक अउ बड़े फैसला ले हे. सरकार ह डोंगरगढ़ स्थित मां बम्लेश्वरी देवी दर्शन करे बर प्रतिबंध अउ मेला ल स्थगित कर दिए गए हे. इहा डोंगरगढ़ स्टेशन म ट्रेन मन घलो नई रूकय. एखर संग ही स्वास्थ्य विभाग ह जिला अस्पताल म 60 बिस्तर के नवा अस्पताल घलो तइयार करे हे. प्रदेश म कोरोना ले निपटे बर विभाग ह तइयारी पूरा कर ले हे।
राजनांदगांव जिला के डोंगरगढ़ म हर साल लगने वाला मेला ल स्थगित कर दिए हे. मां बम्लेश्वरी देवी के दर्शन करे बर घलो प्रतिबंध लगा दिए हे. रोप-वे संचालन घलो बंद कर दिए गए हे. एखर संग ही स्पेशल ट्रेन मन के संचालन अउ ट्रेन मन के स्टॉपेज नई करे के निर्णय ले गए हे. ये निर्णय ले श्रद्धालु मन ल परेशानी के सामना करना पड़ही, लेकिन कोरोना वायरस ले निपटे बर ये निर्णय जरूरी हे.