बांस के ट्री गार्ड ले युवा मन ल मिलिस स्व रोजगार

पौधा ल जानवर ले सुरक्षित राखे ब ट्री गार्ड उपयोगी
रायपुर, 31 जुलाई 2023
बिलासपुर जिला के युवा मन ह बांस के उपयोगी ट्री गार्ड बना के पर्यावरण ल संरक्षित करे के बढ़िया काम करत हे। एकर से पेड़-पौधा सुरक्षित रही। पौधा लगाए के संग ही ओला बचाए के व्यवस्था घलो अबड़ जरूरी हे। हर साल बडे़ संख्या म पौधा लगाए जाथे। ट्री गार्ड ले पेड़-पौधा सुरक्षित त रहिथे अऊ संग म पशु ले पौधा ल बचाए ब ट्री गार्ड उपयोगी हे। ट्री गार्ड बनाए ब जादा कन बांस के जरूरत होथे जेकर आपूर्ति बांस के खेती करे वाले किसान मन ही करथे एकर सीधा लाभ युवा मन के संग बांस के खेती करे वाले किसान मन ल मिलत  हे अउ उमन आर्थिक रूप ले संपन्न होवत हे।
राज्य शासन के महत्वाकांक्षी योजना रीपा ले ग्रामीण युवा मन ल रोजगार मिलिस हे। जिला के बिल्हा ब्लॉक के ग्राम पंचायत धौरामुडा म बांस कारीगरी ब इकाई के स्थापना करे गए हे, जेकर संचालन गांव के श्री मंदराम टेकाम करत हे। ए इकाई म ग्रामीण युवा सदस्य घलो काम बुता करत हे। ए युवा मन ह ट्री गार्ड बनाए के काम करत हे। वर्तमान म एमन ल वन विभाग बिलासपुर कती ले 3 लाख रूपिया के 6 हजार ट्री गार्ड के ऑर्डर मिले हे अउ लगभग 2 हजार ट्री गार्ड युवा मन ह बना डारे हे। ए योजना ह ग्रामीण युवा मन ल सीधा तौर ले रोजगार उपलब्ध कराइस हे अउ संग म आर्थिक रूप ले सशक्त होके आत्मनिर्भर बने के डहर म आघू बाढ़त हे।
Success story
Neha Rathore