समिति मन म बांचे धान के होवय तुरते निराकरण: मुख्यमंत्री दाउ बघेल मुख्यमंत्री ह राज्य म उपार्जित धान के निराकरण अउ कस्टम मिलिंग के समीक्षा करीन

रइपुर, 20 अप्रैल 2021 मंगल । मुख्यमंत्री दाउ भूपेश बघेल ह आज इहां राजधानी स्थित अपन घरू कार्यालय म आयोजित बइठका म राज्य म खरीफ विपणन बछर 2020-21 म उपार्जित धान के निराकरण अउ कस्टम मिलिंग के प्रगति के समीक्षा करत समिति मन म बांचत धान के तुरते—ताही निराकरण बर आवश्यक निर्देश दीन । संगे—संग उचित रख-रखाव बर तको निर्देशित करीन।
जानबा होवय कि खरीफ विपणन बछर 2020-21 म उपार्जित कुल 92 लाख मीट्रिक टन धान म ले 47.37 लाख मीट्रिक टन धान डी.ओ. के माध्यम ले मिलर् मन ल प्रदाय करे जा चुके हे अउ 19.68 लाख मीट्रिक टन धान टी.ओ. के माध्यम ले संग्रहण केन्द्र मन ल प्रदाय करे गे हवय । आज तक नीलामी के माध्यम ले 4.59 लाख मीट्रिक टन धान के विक्रय करे जा चुके हे। ए किसम ले समिति मन म वर्तमान म 20.36 लाख मीट्रिक टन धान निराकरण बर बांचे हवय है।
ये बेरा म मुख्य सचिव श्री अमिताभ जैन, अपर मुख्य सचिव श्री सुब्रत साहू, मुख्यमंत्री के सचिव श्री सिद्धार्थ कोमल सिंह परदेशी अउ मार्कफेड के प्रबंध संचालक श्री अंकित आनंद उपस्थित ​रिहिन हे ।