नई दिल्ली: बैंक ले जुड़े सबो जरूरी काम आपमन के बचे हे त वोला आज ही निपटा लव काबर कि अगला तीन दिन तक बैंक बंद रही.
बैंक बंद होय के कारण ये हे कि शुक्रवार अउ शनिवार याने (31 जनवरी और 1 फरवरी 2020) के बैंक मन के हड़ताल हे. जेखर सेती बैंक मन के काम पूरा तरह ले ठप रही. उही 2 फरवरी याने रविवार के साप्ताहिक अवकाश हे.जेखर सेती ये दिन घलो बैंक बंद रही. अइसे म 3 दिन लगातार बैंक बंद रही. हड़ताल अउ एक दिन साप्ताहिक अवकाश के चलत एटीएम (ATM) मशीन मन म भी कैश के किल्लत होय के भी आशंका हे.
हड़ताल ल ले करके भारतीय स्टेट बैंक (SBI) समेत कतको सार्वजनिक बैंक मन ह पहली ही ग्राहक मन ल अलर्ट कर दे हवय. हालांकि, प्राइवेट बैंक मन ऊपर पर ये हड़ताल के असर नइ रहय. ऑनलाइन बैंकिंग भी चलत रही.
गुरतुर गोठ बर दिलीप कुमार
