मनरेगा मजदूर मन के काम के जगा म ही पहुंचिस बैंक

Surabhi Tiwari

रायपुर, 30 मई 2020। राज्य सरकार के पहल म अब मनरेगा मजदूर मन के कार्य स्थल म ही बैंक पहुंच गए हे। अब प्रदेश के कई गांव मन म मनरेगा के अंतर्गत काम करत मजदूर मन ल बीसी सखी (बैंक करेसपॉन्डेट) अऊ डीजी-पेय (डिजीटल पेमेण्ट) सखी कोति ले कार्यस्थल म ही ऊंखर खाता ले मजदूरी राशि के नगद भुगतान करे जात हे। एखर से मनरेगा मजदूर मन ल खाता ले पइसा निकाले बर बैंक मन म लम्बा लाइन लगाए के बल्‍दा बड़का राहत मिले हे। एखर से मजदूर मन के समय के संग बैक आए-जाए म लगइया पइसा के घलोक बचत होवत हे। संगेच घर पहुंच बैंकिंग सुविधा ले बैंक मन म अनावश्यक भीड़ रोके म सफलता मिले हे।

लउछरहा..