जशपुरनगर, 11 फरवरी 2021। कलेक्टर श्री महादेव कावरे के बताए रद्दा म चलके मनखे मन ल पईसा के लेन-देन, पेंशन अऊ मरनेगा के चुकारा बर बैंक के चक्कर ले बचाय बर बीसी (बैंकिग कोरेस्पोंडेंट) सखी के माध्यम ले गांव म ही एखर सुविधा उपलब्ध कराए जात हे। बैंक सखी सियान, दिव्यांग अऊ अक्षम मनखे मन के घर-घर पहुंच के ओ मन ल पेंशन के पईसा देवत हें। पंचायत अऊ ग्रामीण क्षेत्र मन म गांव-गांव तक बैंकिग सुविधा पहुंचाए बर ग्रामीण आजीविका मिशन (बिहान) के अंतर्गत गठित स्वसहायता समूह के महिला मन ल बैंक सखी नियुक्त करके ओ मन ल ये काम बर प्रशिक्षित करे गए हे। एखर से मनरेगा जइसे योजना मन म मजदूरी के चुकारा घलोक समय म होवत हे अऊ हितग्राही मन ल बिना कुछु समस्या के सरलग पईसा मिलत हे।
बैंक सखी के माध्यम ले मनरेगा अऊ आन काम मन के होवत हे चुकारा
