बैंक सखी रनिया ल लॉकडाउन म घलोक मिलीस रोजगार

कोरिया, 19 जून 2021। राज्य सरकार के संकल्प हे के हर हाथ ल काम अऊ रोजगार मिलेए। ये संकल्प ल पूरा करत हे कोरिया के बैंक सखी श्रीमती रनिया। कोरिया जिला के ग्राम पोड़ी निवासी बैंक सखी श्रीमती रनिया ह मुख्यमंत्री श्री भूपेश बघेल कोति ले कोरिया अऊ सूरजपुर जिला म कई ठन विकास काम मन के लोकार्पण अऊ भूमिपूजन के वर्चुअल कार्यक्रम के समय ओ मन ल बताइस कि ओ ह लॉकडाउन म घर-घर जाकर करीबन 10 हजार मनखे के 2 करोड़ 18 लाख 30 हजार रूपिया के बैंक ट्रांजेक्शन करे हे। एखर से ओ ल एक लाख रूपिया के कमीशन (आमदनी) प्राप्त हो गए हे। एखर अलावा वो ह मनरेगा के भुगतान, पेंशन योजना के भुगतान घलोक हितग्रही मन के घर-घर जाके करे हे। एखर से घलोक ओ ल आर्थिक लाभ मिले हे। एखर से वोखर परिवार के जीवन-यापन सुगमता ले चलत हे। बैंक सखी के रूप म प्रशिक्षित करे बर राज्य सरकार ल धन्यवाद देवत वो ह कहिस कि मैं ये काम ले बहुत खुश हंव। मुख्यमंत्री श्री भूपेश बघेल ह कहिन कि लॉकडाउन ले उत्पन्न स्थिति म शासन ले जुड़े योजन मन के हितग्राही मन अऊ आम नागरिक मन तक पइसा पहुंचाना चुनौतिपूर्ण काम रहिस। कोरोना महामारी के अइसन समय म साहसपूर्ण काम करत मनखे मन के हाथ म पइसा पहुंचाइन ये सराहनीय काम ये।