- बैंक सखी मन 5 करोड़ 35 लाख 47 हजार 760 के लेन-देन करिन
- कोविड-19 बर जरूरी सावधानी अपनात बैंकिंग सुविधा करे जात हे प्रदान
राजनांदगांव, 1 मई 2020। कोविड-19 के संक्रमण के विभीषिका ले शहर अऊ गांव थम गए हे। ये आपदा के सेती लॉकडाउन के म मनखे घर ले नइ निकल पावत हें, फेर अइसन हालत म घलोक जिला प्रशासन म छत्तीसगढ़ राज्य ग्रामीण आजीविका मिशन बिहान के बैंक सखी मन महत्वपूर्ण भूमिका निभावत हें। जिला राजनांदगांव म कार्यरत ए बैंक सखी मन सामाजिक दूरी अउ कोरोना वायरस संक्रमण ल फैले ल रोके बर जरूरी सावधानी ल अपनात ग्राम स्तर म ही ग्रामवासि मन ल घर पहुंच के बैंकिंग सुविधा प्रदान करत हें।
छत्तीसगढ़ राज्य ग्रामीण आजीविका मिशन बिहान अंतर्गत जिला राजनांदगांव के 9 विकासखंड के गांव मन म कुल 117 बैंक सखी (कियोस्क, मार्को एटीएम अउर डीजीपे) कार्यरत हे, जिे मन गांव वाले मन ल ग्राम स्तर म ही राशि आहरण, जमा, फण्ड ट्रांसफर के संगें-संग शासन के कई योजना के तहत पेंशन हितग्राही मन ल पेंशन भुगतान, मनरेगा मजदूर मन ल मजदूरी भुगतान, जनधन खाता हितग्राही मन, किसान सम्मान निधि के हितग्राही मन अउ आन हितग्राही मन ल बैंकिंग सुविधा प्रदान करत हें। कलेक्टर श्री जयप्रकाश मौर्य के मार्गदर्शन म सीईओ जिला पंचायत राजनांदगांव श्रीमती तनुजा सलाम के दिशा-निर्देश म लॉकडाउन के समय म ए बैंक सखी मन 25 मार्च 2020 ले 28 अप्रेल 2020 तक कुल 5 करोड़ 35 लाख 47 हजार 760 के लेन-देन कर उरे हें। कुल ट्रांजेक्शन 32 हजार 748 करे गए हे। जिला प्रशासन कोति ले देहे गए निर्देश के मुताबिक लॉकडाउन अवधि म ए बैंक सखी मन बेरा-बेरा म हाथ धोना, आंख नाक अउ मुंह ल छूए ले परहेज करना, छींके अउ खांसत खानी अपन मुंह अउ नाक ल ढांकना, बायोमैट्रिक रीडर के उपयोग ले पहिली अउ बाद म वोला सेनिटाईज करना अउ सामाजिक दूरी के पालन करे जात हे। संगेच हितग्राही मन ल घलोक सतर्कता बरते अउ कोरोना वायरस के संक्रमण ल फैले ले रोके बर जागरूक करे जात हे।
