बांस के कुंदरा म छेरी, सुरा पालन —जशपुर महिलोेगन मन आगू बाढ़त हे आजीविका ले जुड़के स्वावलंबन के रद्दा म

जशपुरनगर 24 मई 2021 सम्मार। कलेक्टर श्री महादेव कावरे के मार्गदर्शन म गौठान स्व-सहायता समूह के माइलोगन मन ल आत्मनिर्भर बनाए बर जशपुर विकासखंड के जनपद सीईओ श्री प्रेम सिंह मरकाम के दिशा निर्देश म दैहान मन म बांस के छेरी कुंदरा बनाए गे हवय । जिहां माइलोगन मन छेरी पालन, सुअर पालन करके आत्म निर्भर बनत हे। अइसनेहेच मनोरा विकासखंड के जनपद सीईओ श्री अनिल तिवारी के मार्गदर्शन म सोनक्यारी, रेमने म समूह के माइलोगन मन कुसियार उत्पादन करके गुड़ बनाए के तको बूता करत हावय अउ दैहान मन म नेपियर घास तको लगाए हवय जेकर ले माल—मत्ता (पशु) मन ल बने चारा मिल सकै।
अइसनेहे मनोरा विकासखंड के गौठान घाघरा म समूह के माइलोगन मन दोना—पतरी के बूता करत हावय अउ सोनक्यारी म मशीन तको उपलब्ध कराए गे हवय। प्रशासन कोति ले माइलोगन मन ल गतिविधि मन म संघेरे बर प्रशिक्षण तको देहे जावत हे।