चिटिक मजा ले ले राजा मोर, भौंरा -बाँटी के चिटिक मजा ले ले

रइपुर, 29 जून 2022
मुख्यमंत्री दाऊ भूपेश बघेल आज भेंट-मुलाकात के कड़ी म कोरिया जिला के
मनेंद्रगढ़ विधानसभा के ग्राम कटकोना पहुंचे रिहिन। उहां स्थित हाई स्कूल मैदान म लइका मन के आग्रह म पारंपरिक खेल भौंरा के मजा लीन। मुख्यमंत्री के आगू म आठवीं म अध्ययनरत पंडो जनजाति के छात्र संजय कुमार ह तीरंदाज़ी म अचूक निशाना लगाइन। संजय गांव निवारी बहरा के रहवइया हरे, जउन खेलगढ़िया योजना म प्रशिक्षण लेवत हावय। मुख्यमंत्री ह संजय के हुनर के भूरि-भूरि प्रशंसा करत ओकर हौसला बढ़ाइन।
मुख्यमंत्री ह भेंट-मुलाकात के बेरा कटकोना मुख्य मार्ग ले पहाड़पारा अउ पहाड़पारा ले करी छापर तक पक्की सड़क के निर्माण, कटकोना धान उपार्जन केंद्र म नवा खाद गोदाम के निर्माण, खड़गवॉ म नवा स्वामी आत्मानंद इंग्लिश मीडियम स्कूल के स्थापना, छोटे कलुआ म बिजली सब स्टेशन के स्थापना, ग्राम पंचायत कौड़ीमार ले पैनारी मार्ग म पुल के निर्माण, ग्राम पंचायत फुनगा ले बेलबहरा मार्ग म पुल के निर्माण अउ चिरमिरी म नवीन इनडोर स्टेडियम निर्माण के तको घोषणा करीन।