बापी नइ उवाट – मुख्यमंत्री सुपोषण योजना ले डोकरी दाई मन जुरिन

रायपुर, 16 जुलाई 2021। दादी-नानी तीर लइका मन के बने लालन-पालन बर न सिरिफ अनुभव के खजाना होथे भलुक वो मन प्यार-मनुहार ले लइका मन ले हर छोटे-बड़े बात मनवा लेथे। आदिवासी अऊ नक्सल प्रभावित क्षेत्र दक्षिण बस्तर दंतेवाड़ा म सियान महिला मन के इही मया, अनुभव अऊ ज्ञान के उपयोग मुख्यमंत्री सुपोषण अभियान ल अऊ जादा प्रभावी बनाए बर करे जात हे। इहां यूनिसेफ के सहयोग ले स्थानीय बोली म ‘बापी नइ उवाट‘ मने ‘जानव बूढ़ी दाई के नुस्खा‘ के नाम ले एक अभिनव पहल सुरू करे गए हे। ये मां गांव के बुजुर्ग महिला मन के माध्यम ले मनखे मन ल कुपोषण मुक्‍त अऊ स्वस्थ बनाए के मुहिम शुरू करे गए हे। दिसंबर 2020 म शुरू करे गए ये अभियान ले दंतेवाड़ा के 239 गांव के बापि मन ल जिला प्रशासन कोति ले सुपोषण अभियान ले जोड़े गए हे। अब ये सियान महिला मन (बापि मन) दंतेवाड़ा म मुख्यमंत्री सुपोषण अभियान के ब्रांड एंबेसेडर बन गए हें।