गोधन न्याय योजना ह खोलिस महिला मन ब आमदनी के दुवार

बरही महिला समूूह ह बेचिस 5 लाख 20 हजार के वर्मी खाद: हर सदस्य ल होइस 47 हजार रुपिया के लाभ
रायपुर, 08 जुलाई 2023
राज्य सरकार के गोधन न्याय योजना के सफल संचालन ह ग्रामीण मन ब आमदनी के द्वार खोल दिए हे। ए योजना ग्रामीण, पशुपालक अउ महिला समूह ल आत्मनिर्भर बनाए म महत्वपूर्ण भूमिका निभात हे। बालोद जिला के बरही गांव म संचालित ग्वालिन महिला स्वसहायता-समूह ह घलो गोधन न्याय योजना ह आमदनी के स्थायी द्वार खोल दिए हे। योजना के अंतर्गत बरही गौठान म समूह के महिला मन अभी तक 1300 क्विंटल वर्मी खाद के निर्माण कर डारे हे। ए महिला मन अभी तक 05 लाख 20 हजार रुपिया के 1007 क्विंटल वर्मी खाद के बेचरि कर के प्रति सदस्य 47 हजार 272 रूपिया के शुद्ध आमदनी पा गए हे। योजना ले गांव म ही रोजगार मिले ले महिला मन के आत्मविश्वास ह घलो बाढ़ीस हे।
      उल्लेखनीय हे कि गोधन न्याय योजना हानिकारक रासायनिक खाद के दुष्प्रभाव ले मुक्ति प्रदान करे के छोड़े कृषि भूमि के उर्वरा शक्ति ल घलो बरकरार रखे म घलो भारी मददगार साबित होवत हे। ए ह ग्रामीण अउ समूह के महिला मन ब स्थायी रोजगार के जरिया बन गय हे। आदर्श गौठान बरही म विभिन्न प्रकार ले आजीविकामूलक गतिविधि संचालित करे जाथ हे। जेमा ले ग्वालिन स्वसहायता समूह के 11 झन महिला मन ह वर्मी खाद निर्माण के बुता करत हे। ईहां महिला मन ल सरलग आमदनी होए ले आज उमन के जीवन स्तर काफी सुधर गय हे।
समूह की सक्रिय सदस्य केंवरा बाई ह योजना के सराहना करत हुए कहिस कि पहिली उमन ल रोजगार ले तलाश म आसपास के गांव म जाए ब परत रहिस हे। गोधन न्याय योजना के माध्यम ले गोबर खरीदी अउ वर्मी खाद निर्माण कार्य प्रारंभ करे ले उमन ल एक स्थाई काम मिल गय हे, जेकर से उमन के जीवन म बडे़ परिवर्तन आइस हे। ओ ह बताइस कि वर्मी खाद निर्माण सुरू होए ले महिला मन ल रोजगार अउ आमदनी के बेहतरीन जरिया मिल गय जे। ओकर पारिवारिक जीवन सुखमय हो गय हे। अपन आमदनी के उपयोग ओ ह अपन लईका मन के पढ़ई-लिखई के छोड़े अउ घरेलू बुता म करथे। उमन ह योजना के माध्यम ले उमन के जीवन सुखमय बनाए ब मुख्यमंत्री श्री भूपेश बघेल के प्रति आभार घलो जताइस हे।
Success story
Neha Rathore