कवर्धा : ग्राम बरबसपुर के गौठान ले ग्रामीण होवत हे लाभान्वित, पशुधन ल मिलत हे जम्मों प्रकार के सुविधा

छइहां,पानी,चारा जईसे स्थाई सुविधा के संग वर्मी खाद के होवत हे निर्माण
कवर्धा, 08 जुलाई 2023
जनपद पंचायत कवर्धा के ग्राम पंचायत बरबसपुर म सुराजी गांव योजना के नरवा, गरवा, घुरवा अउ बाड़ी अंतर्गत बनाए गए गौठान म छइहां, पानी, चारा के सुविधा नई होए अउ वर्मी कंपोस्ट नई बनाए जाए ले सूचना मिले रहिस हे। कलेक्टर श्री जनमेजय महोबा ह सूचना ल संज्ञान म लिस अउ बरबसपुर  गोठान के गतिविधि, गोबर खरीदी, पशुधन के उपस्थिति, जैविक खाद के निर्माण समेत गोठान समिति के कार्य के पूरा जानकारी लिस। कलेक्टर ह जिला पंचायत सीईओ श्री संदीप अग्रवाल ल जांच करे के निर्देश दिस।
जिला पंचायत के मुख्य कार्यपालन अधिकारी श्री संदीप कुमार अग्रवाल के मार्गदर्शन पर जनपद पंचायत कवर्धा के टीम द्वारा गौठान पहुंच के जाँच करे गईस। पशुधन ब छाया, पानी, चारा उपलब्ध कराए जाए के संबंध म जानकारी देत हुए सीईओ जनपद पंचायत ह बताइस कि बरबसपुर गौठान म 2 ठ बोर पहिली ले हावय जेमा से एक ठ बोर ले कोटना म प्रतिदिन पानी भरे जाथे। पशुधन म बताय गइस कि 319 गौवंशी अउ 34 भैंसवंशी गांव म हे, जेला प्रतिदिन ग्रामीण गौठान म लाके छोड़थे काबर के गौठान म पशुधन ह शासन द्वारा जम्मो सुविधा उपलब्ध कराए गए हे।
एकर संग म ए घलो मिले रहिस कि गौठान म पशुधन के बइठे ब शेड के निर्माण नई करे गय हे। जबकि निरीक्षण ब पहुंचे दल ह पाइस कि पशुधन के बईठे ब दू ठ शेड के निर्माण करे गया हे। एकर संग ही वर्मी कंपोस्ट निर्माण करे ब 30 वर्मी शेड अउ गोबर संग्रहण करे ह 10 नाडेफ टैंक के निर्माण महात्मा गांधी नरेगा योजना के अंतर्गत ग्राम पंचायत द्वारा पहिली ले ही करे गय हे जेकर सरलग उपयोग होवत हे। बरबसपुर गौठान म गोधन न्याय योजना अंतर्गत योजना प्रारंभ ले अभी तक 1830.58 क्विंटल गोबर ग्रामीण मन ले बिसाए गए हे, जेमा से 604 क्विंटल वर्मी खाद के निर्माण हो गए हे। गौठान के देखरेख अउ आवश्यक व्यवस्था ग्राम गौठान प्रबंधन समिति अउ ग्राम पंचायत द्वारा सरलग करे जाथ हे। ग्रामीण मन घलो बताइस कि उमन अपन पशुधन ल गौठान म प्रतिदिन लाथे काबर पशुधन ब ईहां सब सुविधाएं उपलब्ध हे।
Success story
Neha Rathore