बलौदाबाजार, 24 मई 2021 सम्मार। कलेक्टर सुनील कुमार जैन ह आज बाढ़ आपदा नियंत्रण के अकताहा तियारी मन ल लेके आने—आने विभाग मन के बूता के समीक्षा करीन। बइठका म जम्मो राजस्व अधिकारी अउ बाढ़ अउ प्राकृतिक आपदा ले जुड़े आने —आने विभाग मन के जिला अधिकारी मन संघरीन । कलेक्टर श्री जैन ह जिला अउ तहसील स्तर म बाढ़ नियंत्रण नोडल अधिकारी नियुक्त करे के निर्देश दीन । अउ सबो एसडीएम ल वर्षामापी यंत्र ल दूरूस्त करे,राहत शिविर अउ बाढ़ प्रभावित क्षेत्र मन के चिन्हांकन करके अकताहा तियारी करे के निर्देश देवत समन्वय के महत्वपूर्ण जिम्मेदारी दीन । कलेक्टर कहीन कि ये पइत राहत शिविर मन म कोविड के गाइडलाइन के तको पालन होवय। राहत शिविर मन म रूकवाए के क्षमता ल आधे रखना हे। अवइया समे म बाढ़ नियंत्रण कक्ष के फ़ोन नम्बर ल तको सक्रिय करे जाही । एकरे संग खाद्य अधिकारी ल राहत शिविर म खाद्यान्न के आपूर्ति,लोक निर्माण विभाग ल मानसून के पहिली सड़क, पुलिया निर्माण,पशुपालन विभाग ल पशुधन म कउनो प्रकार संक्रामक रोग झन होवय एकर अकताहा तियारी, कृषि विभाग ल उपराहा बीज सकेला,फसल बीमा के लाभर्थी मन के सँख्या बढ़ाए,नगरीय निकाय म नरवा अउ नाली मन के सफई बरसात के अकताहा सुनिश्चित करे बर कहीन । स्वास्थ्य विभाग ल मौसमी बीमारी मन ले सम्बंधित दवई मन ल उपलब्ध कराए ह अउ जलसंसाधन विभाग ल आने जिला ले नदी म पानी छोड़ने के 12 घन्टा पहिली सूचना उपलब्ध कराए के संग नदी के जलस्तर उपर नजर राखे के निर्देश दीन।
लउछरहा..
नाबालिग बिहाव के रोकथाम बर मोबाइल नंबर जारी
सारंगढ़-बिलाईगढ़, 10 मई 2024। लड़की के उम्मर 18 साल अऊ लड़का के उम्मर 21 साल पूरा...मुख्य निर्वाचन पदाधिकारी ह निर्वाचन म सहजोग करइया अधिकारी, कर्मचारी, संगठन अऊ मतदाता मन बर आभार व्यक्त करिस
May 9, 2024 Surabhi Tiwari Comments Off on मुख्य निर्वाचन पदाधिकारी ह निर्वाचन म सहजोग करइया अधिकारी, कर्मचारी, संगठन अऊ मतदाता मन बर आभार व्यक्त करिसरायपुर, 09 मई 2024। मुख्य निर्वाचन पदाधिकारी ह निर्वाचन म सहजोग करइया अधिकारी, कर्मचारी, संगठन अऊ...मंत्रालय म नवा भरती कर्मचारी मन बर होइस ओरियेंटेशन कार्यक्रम
May 8, 2024 Surabhi Tiwari Comments Off on मंत्रालय म नवा भरती कर्मचारी मन बर होइस ओरियेंटेशन कार्यक्रमरायपुर, 08 मई 2024। मंत्रालय महानदी भवन म छत्तीसगढ़ मंत्रालयीन सेवा म नवनियुक्त कर्मचारी मन बर...