बाड़ी विकास कार्यक्रम ले सब्जी अऊ फल उत्पादन ल मिलत हे बढ़ावा

रायपुर, 11 जून 2021। प्रदेश के किसान मन के आर्थिक स्थिति अऊ जीवन स्तर म बदलाव लाय के मुख्यमंत्री श्री भूपेश बघेल के सोच के सार्थक परिणाम अब सुराजी गांव योजना के चारों घटक नरवा, गरूवा, घुरवा, बाड़ी कार्यक्रम के साथ दिखे लगे हे। गांव मन म वर्षा जल के संरक्षण बर संचालित नरवा (नाला) के उपचार, गौवंश के संरक्षण अऊ संवर्धन बर संचालित गरूवा कार्यक्रम के अंतर्गत गांव मन म गौठान मन के निर्माण, गोबर के खरीदी अऊ आजीविका मूलक गतिविधि मन के वृहद पैमाना म संचालन, घुरूवा कार्यक्रम के अंतर्गत वर्मी अऊ सुपर कम्पोस्ट खाद के उत्पादन अऊ बाड़ी विकास के अंतर्गत गांव वाले मन अऊ किसान मन के घर के बाड़ी मन के संगें-संग सामुदायिक बाड़ी मन के संग फल अऊ सब्जी उत्पादन ल बढ़ावा मिले लगे हे।
सुराजी गांव योजना ले बाड़ी विकास कार्यक्रम के अंतर्गत राज्य के 146 विकासखण्ड के 5531 ग्राम पंचायत मन म गांव वाले मन अऊ किसान मन के इहां कुल 2,00,013 बाड़ी मन के विकास करे गए हे। उद्यानिकी विभाग कोति ले बाड़ी मन के विकास बर लाभान्वित गांव वाले मन अऊ किसान मन ल उन्नत किसिम के सब्जी बीज अऊ पौधा, फलदार पेड़ बाड़ी म रोपण बर उपलब्‍ध कराए के संगेच ओ मन ल एखर बर जरूरी मार्गदर्शन अऊ आदान सहायता उपलब्‍ध कराए गए हे। सुराजी गांव योजना के अंतर्गत निर्मित गौठान मन म घलोक सब्जी अऊ फल के उत्पादन बर 990 सामुदायिक बाड़ी स्थापित करे गए हे। एखर जरिए महिला समूह बड़का मात्रा म सब्जी अऊ फल के उत्पादन अऊ विक्रय करके आर्थिक रूप ले आत्मनिर्भर होए लगे हें।