मुख्यमंत्री दाउ भूपेश बघेल जम्मो जिला कलेक्टर ल सरलग बारिश ल देखत करीन सावचेत

रइपुर, 23 जून 2021 बुधवार। मुख्यमंत्री दाउ भूपेश बघेल ह प्रदेश म होवत सरलग बारिश ल देखत संभावित बाढ़ प्रभावित इलाक मन म राहत अउ बचाव के उपाय के सबो बेवस्था सुनिश्चित करे के निर्देश सबो जिला कलेक्टर मन ल दिए हावय। उन कहीन कि बाढ़ के स्थिति म कोनो तरा के उलट परिस्थिति ले निपटे बर पूरा सावचेति रखे जाय। लोगन के बचाव अउ राहत पहुंचाए के सबो तियारी तको राखय।
मुख्यमंत्री ह खालहे अउ संभावित बाढ़ प्रभावित इलाका मन म आपदा प्रबंधन दल ल तियार राखे के निर्देश देवत कहे हे कि आवश्यकता परे म प्रभावित मन ल तुरते आवश्यक सहायता उपलब्ध करवावव । नदियां नरवा के जल स्तर म सरलग निगरानी रखय। एकर जानकारी सरलग कंट्रोल रूम म देवय ।
बाढ़ ले प्रभावित क्षेत्र म स्कूल अउ तीर के भवन मन म अस्थाई राहत शिविर के बेवस्था सुनिश्चित करै।