बलरामपुर : स्वच्छ भारत मिशन के पहल म समूह के महिला मन करत हें बर्तन बैंक के संचालन

बलरामपुर, बलरामपुर-रामानुजगंज जिला म स्वच्छ भारत मिशन के एक अच्छा पहल देखे ल मिलीस, इहां राष्ट्रीय ग्रामीण आजीविका मिशन ले जुड़े स्व-सहायता समूह के महिला मन ग्रामीण क्षेत्र मन म सिंगल यूज प्लास्टिक के उपयोग बंद करे के उद्देश्य ले बर्तन बैंक के संचालन करत हें, जेखर से ग्रामीण महिला मन ल रोजगार के संगें-संग सिंगल यूज प्लास्टिक के उपयोग म घलोक कमी आही, उहें जिला पंचायत सीईओ श्रीमती रीता यादव के कहना हे कि अवइया समय म पूरा जिला म बर्तन बैंक के स्थापना करे जाही।
देश मे सिंगल यूज प्लास्टिक ल बंद करे बर किसिम-किसिम के उपाय करे जात हे इही कड़ी म बलरामपुर-रामानुजगंज जिला म सिंगल यूज प्लास्टिक बंद करे के उद्देश्य ले स्टील के बर्तन बैंक के स्थापना करे गए हे अऊ एखर संचालन के जिम्मेदारी महिला समूह ल देहे गए हे, ताकि ग्रामीण क्षेत्र मन के महिला मन ल रोजगार घलोक मिल सकय, जिला के भनौरा गांव म मां संतोषी महिला स्व-सहायता समूह के महिला मन ह गांव म ही स्टील के बर्तन बैंक के संचालन करत हें, जेमे पंचायत के फंड ले स्टील के बर्तन के पूरा सेट खरीदे गीस अऊ ग्रामीण क्षेत्र मन म आयोजित होवइया निजी कार्यक्रम मन म स्टील बर्तन के उपयोग हो सकही, जेखर से सिंगल यूज प्लास्टिक के उपयोग म कमी आही। समूह के महिला मन के कहना हे कि ओ मन पहिली घर के चार दिवारी के भीतर ही अपन जीवन-यापन कररत रहिन अऊ आर्थिक मदद बर अपन परिजन उपर निर्भर रहिन फेर अब स्वच्छ भारत मिशन के पहल म समूह के महिला मन बर्तन बैंक के संचालन करत हें अऊ स्वच्छता शुल्क के नाम म समूह ह बाजार भाव ले सस्ता दर म आयोजनकर्ता ल बरतन उपलब्‍ध करवावत हे। जेखर से समूह के महिला मन के आमदनी बाढ़ही।