रायपुर, मुख्यमंत्री श्री भूपेश बघेल ह 05 फरवरी के बसंत पंचमी अऊ सरस्वती पूजा के अवसर म प्रदेशवासी मन ल बधाई देहे हें। श्री बघेल ह अपन बधाई संदेश म कहे हें कि बसंत पंचमी ले ऋतुराज बसंत के आगमन होथे, ये समय प्रकृति अपन निखार लेहे होथे ते पाए के बसंत पंचमी ल हरियाली अऊ फसल के तिहार के रूप म घलोक मनाथें। ये दिन विद्या, कला अऊ संगीत के देवी मां सरस्वती के आराधना घलोक करे जाथे। मुख्यमंत्री श्री बघेल ह ये बेरा म कामना करे हें कि ऋतु बदले के संग ये परब सबके जीवन म नवा उमंग, ऊर्जा अऊ उत्साह के संचार लेके आवय।
मुख्यमंत्री ह प्रदेशवासी मन ल बसंत पंचमी के दीन बधाई
