रायपुर, 13 फरवरी 2024। मुख्यमंत्री श्री विष्णु देव साय ह प्रदेशवासी मन ल ऋतु बदले के पर्व बसंत पंचमी अऊ सरस्वती पूजा के बधाई देहे हें। श्री साय ह अपन बधाई संदेश म कहे हें कि ऋतुराज बसंत के स्वागत म बसंत पंचमी के तिहार मनाए जाथे। ए समय प्रकृति अपन सर्वोच्च निखार लेहे होथे, ते पाए के बसंत पंचमी ल हरियाली अऊ फसल के तिहार घलोक माने जाथे। बसंत पंचमी के दिन विद्या, कला अऊ संगीत के देवी मां सरस्वती के घलोक आराधना करे जाथे। मुख्यमंत्री श्री साय ह कामना करे हें कि बसंत पंचमी के पर्व सबो के जीवन म नवा उमंग, ऊर्जा अऊ उत्साह लेके आवय।
मुख्यमंत्री ह प्रदेशवासी मन ल बसंत पंचमी अऊ सरस्वती पूजा के बधाई दीन
