नीति आयोग के बैठक म मुख्यमंत्री विष्णुदेव साय ह रखिस विकिसित छत्तीसगढ़ के विजन
बस्तर म कमई ल दुगुना करे के बड़का संकल्प: तीन बछर म हर परिवार के आय ल 30 हजार रुपिया महीना तक पहुंचाए के लक्छ
नई दिल्ली, छत्तीसगढ़ के मुख्यमंत्री विष्णुदेव साय ह प्रधानमंत्री नरेन्द्र मोदी के अध्यक्षता म आयोजित नीति आयोग के गवर्निंग काउंसिल के 11वां बैठक म नक्सलवाद ले मुक्त बस्तर के नवा चिनहा देस के आगू म रखिन। उमन कहिन के कइ बछर ले हिंसा के मार झेलइया बस्तर अब आर्थिक पुनरुत्थान, रोजगार, सिक्छा, पर्यटन अउ खेती-किसानी आधारित विकास के मॉडल बनही।
मुख्यमंत्री ह बैठक म बस्तर के आदिवासी परिवार मन के आय ल दुगुना करे, दूध क्रांति लाए, 32 हजार हेक्टेयर छेत्र म सिंचई सुबिधा मन के बिस्तार करे, पर्यटन ल बड़का उद्योग के रूप म बढाए अउ एआई (AI) सेमीकंडक्टर जइसे आधुनकि छेत्र मन म निवेस बढाए के बड़का कार्ययोजना पेस करिन। उमन कहिन के विकिसित भारत-2047 के विजन के मुताबिक छत्तीसगढ़ ल विकिसित राज बनाए कोती तेजी ले काम होवत हे।
राष्ट्रपति भवन म आयोजित ये बैठक म केंद्रीय मंत्री, आन-आनत के राज मन के मुख्यमंत्री, केंद्र सासित प्रदेस मन के उपराज्यपाल, नीति आयोग के उपाध्यक्ष, सदस्य अउ बड़े अधिकारी मन हाजिर रहिन।