बस्तर के सुदुर अंचल के अतिसंवेदनशील क्षेत्र मन म घलोक पक्का घर के सपना होवत हे साकार

कोयलीबेड़ा विकासखंड के 244 हितग्राही मन बर पीएम आवास स्वीकृत
कांकेर, बस्तर के सुदूर अंचल के अति संवेदनशील क्षेत्र मन म घलोक गांव वाले मन के पक्का घर के सपना साकार होवत हे। प्रधानमंत्री आवास योजना ले कांकेर जिला के विकासखंड कोयलीबेड़ा के संवेदनशील क्षेत्र मन म घलोक अब सकारात्मक बदलाव दिखे लगे हे। अंदरूनी गांव मन म घलोक गांव वाले मन के पक्का घर के सपना सच होत दिखत हे।
कोयलीबेड़ा ब्लॉक के सीमा म कोटरी नदी म बारिश के पानी आए ले ये गांव पूरा मुख्य धारा ले कट जाथे। अइसन म ए गांव मन म परिवहन के सुविधा मुहैया नइ हो पावय। जिला पंचायत के सीईओ श्री हरेश मंडावी ह बताइस के कोयलीबेडा ब्लॉक म प्रधानमंत्री आवास योजना ग्रामीण अंतर्गत वित्तीय साल 2024-25 म कुल 244 हितग्राही मन के आवास पास होय हे जेमें 226 हितग्रही मन ल पहिली किश्त के राशि प्राप्त हो गे हे। निर्माण कार्य चालू करवाए बर समय-समय म हितग्राही मन ले मिलके उंखर उन्मुखीकरण करत निर्माण कार्य चालू करवाए गए हे।