दूसर चरण बर पहिली दिन कोनो अभ्यर्थी ह नइ भरिस नामांकन पत्र
रायपुर 28 मार्च 2024। लोकसभा निर्वाचन 2024 के पहिली चरण बर कुल 11 अभ्यर्थी मन के नामांकन पत्र विधिमान्य पाए गे हे। मुख्य निर्वाचन पदाधिकारी श्रीमती रीना बाबासाहेब कंगाले ह बताइस कि बस्तर लोकसभा क्षेत्र म कुल 12 अभ्यर्थी मन ह नामांकन पत्र जमा करे रहिन। नामांकन पत्र के संवीक्षा के बाद बस्तर लोकसभा क्षेत्र म निर्वाचन बर अब 11 अभ्यर्थी बांचे हे। पहिली चरण बर नाम वापसी के आखरी तारीक 30 मार्च 2024 हे। बस्तर लोकसभा क्षेत्र म 19 अपरेल 2024 के मतदान होही।
मुख्य निर्वाचन पदाधिकारी श्रीमती रीना कंगाले ह बताइस कि लोकसभा निर्वाचन अंतर्गत दूसर चरण बर आज अधिसूचना जारी होए के संगेेच नामांकन के प्रक्रिया चालू हो गए हे। दूसर चरण अंतर्गत महासमुंद, कांकेर अऊ राजनांदगांव लोकसभा क्षेत्र बर अभी तक कोनो अभ्यर्थी ह अपन नामांकन पत्र दाखिल नइ करे हे। दूसर चरण अंतर्गत 4 अपरेल 2024 तक अभ्यर्थी नामांकन पत्र दाखिल कर सकही। नामांकन पत्र के संवीक्षा 5 अपरेल के होहि अऊ 8 अपरेल तक अभ्यर्थी अपन नाम वापस ले सकही। दूसर चरण बर 26 अपरेल 2024 के मतदान होही।
लोकसभा निर्वाचन के पहिली चरण अंतर्गत बस्तर लोकसभा क्षेत्र बर कुल 11 अभ्यर्थी मन के नामांकन विधिमान्य
