बस्तर अंचल म महतारी वंदन योजना ल लेके महिला मन म भारी उत्साह

जगदलपुर, 07 फरवरी 2024। बस्तर अंचल म महतारी वंदन योजना ल लेके भारी उत्साह देखे जात हे। महिला मन एखर योजना के लाभ लेने बर अपन के मोबाईल अऊ अइसन महिला मन जिनके पास मोबाईल नइ हे। ओ मन महिला मन आंगनबाड़ी केंद्र अऊ पंचायत मन म जाके आवेदन करत हें।
महिला सशक्तिकरण के दिशा म आर्थिक स्वावलंबन, ऊंखर स्वास्थ्य अउ पोषण स्तर म सतत सुधार, कुटुंब के निर्णय म उंखर भूमिका सुदृढ़ करे के उद्देश्य ले महतारी वंदन योजना के शुरूआत करे गए हे। बस्तर अंचल म ए योजना बर अब तक 93,828 महिला मन ह आवेदन करे हें। एमां बस्तर म 35590, बीजापुर म 2428, दंतेवाड़ा म 14719, कांकेर म 9706, कोंडागांव म 27396, नारायणपुर म 926, सुकमा म 3063, आवेदन प्राप्त होए हे।
जगदलपुर शहर के लालबाग निवासी श्रीमती आसमती कश्यप ह स्थानीय हल्बी बोली म बताइस कि हम सबो महिला मन अबड़ खुश हन कि हमार खाता म हर महीना एक हजार रूपिया आही। ओ मन ए योजना अंतर्गत मिले राशि के उपयोग साग-सब्जी अउ आन जरूरत बर करहीं। महतारी वंदन फॉर्म भराए बर शिविर म कई महिला मन ह अपन खुशी जाहिर करत बताइस कि महिला सशक्तिकरण ल बढ़ावा देहे के दिशा म शासन के ये अनोखा पहल ये।
आड़ावाल निवासी स्वाति राव ह कहिस कि महतारी वंदन योजनांतर्गत मिले राशि के उपयोग वो अपन छोटे-छोटे जरूरत मन ल पूरा करे बर करही। आड़ावाल के श्रीमती रुक्मिणी अउ कृष्णादेवी ह घलोक खुशी जाहिर करत प्रधानमंत्री श्री नरेन्द्र मोदी अउ मुख्यमंत्री श्री विष्णु देव साय ल महतारी वंदन योजना बर धन्यवाद दीस।