बस्तर ओलंपिक ल मिलीस ‘खेलो इंडिया ट्राइबल गेम्स’ के दरजा, रायपुर-बिलासपुर म खुलही मेडिकल-नर्सिंग कॉलेज – मुख्यमंत्री साय के केंद्रीय मंत्री मांडविया ले मुलाकात

नई दिल्ली, छत्तीसगढ़ ल खेल अऊ स्वास्थ्य शिक्षा के क्षेत्र म नवा ऊँचाइ देहे के दिशा म आज एक महत्वपूर्ण पहल होए हे। मुख्यमंत्री श्री विष्णु देव साय ह केंद्रीय श्रम अउ रोजगार, युवा काम अउ खेल मंत्री श्री मनसुख मांडविया ले नई दिल्ली म सौजन्य मुलाकात करिन। ए बेरा म बस्तर ओलंपिक ल ए साल ले “खेलो इंडिया ट्राइबल गेम्स” के रूप म आयोजित करे के सहमति प्रदान करे गीस। ये निर्णय न केवल जनजातीय युवा मन के प्रतिभा ल राष्ट्रीय स्तर म पहिचान देवाही, बल्कि छत्तीसगढ़ के पारंपरिक खेल संस्कृति ल घलोक वैश्विक मंच म प्रतिष्ठा देवाही।
मुख्यमंत्री श्री साय ह रायपुर अऊ बिलासपुर म 220 बेड के मेडिकल अ नर्सिंग कॉलेज खोले के प्रस्ताव घलोक केंद्रीय मंत्री के आगू म रखिन, जेखर से राज्य ल गुणवत्तापूर्ण स्वास्थ्य शिक्षा के संगे-संग बेहतर चिकित्सा सुविधा उपलब्ध होही। ए बात म केंद्रीय मंत्री श्री मांडविया ह कहिन के केंद्र सरकार लउहे ए प्रस्ताव म सकारात्मक निर्णय लेक़े जरूरी स्वीकृति के प्रक्रिया चालू करही।
संगेच, मुख्यमंत्री ह लक्ष्मीबाई राष्ट्रीय शारीरिक शिक्षा संस्थान (LNIPE) के क्षेत्रीय केंद्र छत्तीसगढ़ म स्थापित करे अउ राज्य म खेल अधोसंरचना ल सुदृढ़ करे बर नवा स्टेडियम अउ प्रशिक्षण केंद्र मन के स्थापना के माँग घलोक रखिन। केंद्रीय मंत्री ह ए विषय म घलोक लउहे स्वीकृति के भरोसा देवाइन।
ए बेरा म मुख्यमंत्री के प्रमुख सचिव श्री सुबोध सिंह अउ मुख्यमंत्री के सचिव श्री राहुल भगत घलोक उपस्थित रहिन।