जनजातीय कला अऊ संस्कृति के बचाव अऊ ओला बढ़ाय बर समर्पित हे बस्तर पण्डुम
जगदलपुर, बस्तर के जनजातीय कला अऊ संस्कृति ला बचाय अऊ ओला आगू बढ़ाय खातिर आयोजित तीन दिन के ‘बस्तर पण्डुम’ के समापन समारोह 9 फरवरी के एक ऐतिहासिक अऊ बड़का भव्य कार्यक्रम होवइया हे। ए कार्यक्रम म मुख्य अतिथि के रूप म केंद्रीय गृह अऊ सहकारिता मंत्री श्री अमित शाह खास तौर म सामिल होहीं। कार्यक्रम के अध्यक्षता छत्तीसगढ़ के मुख्यमंत्री श्री विष्णु देव साय करहीं।
‘प्रकृति अऊ परंपरा के उत्सव‘ के ध्येय वाक्य के संग मनाय जात ए आयोजन बस्तर के माटी के महक अऊ इहां के संपन्न जनजातीय संस्कृति ला दुनिया के आगू म लाय के एक बड़े माध्यम आय। ए गौरव भरे समापन समारोह के आयोजन 9 फरवरी के मंझनिया 11 बजे ले लालबाग मैदान, जगदलपुर म रखे गे हे।
ए बेरा म केंद्रीय राज्य मंत्री श्री तोखन साहू अऊ छत्तीसगढ़ विधानसभा के अध्यक्ष डॉ. रमन सिंह, दूनों उपमुख्यमंत्री श्री अरुण साव अऊ श्री विजय शर्मा घलो कार्यक्रम म संघरहीं। ए मउका म संस्कृति मंत्री श्री राजेश अग्रवाल, वन मंत्री श्री केदार कश्यप, अऊ बाकी सबो कैबिनेट मंत्री मन घलो सामिल होहीं।
बस्तर पण्डुम म सांसद श्री महेश कश्यप अऊ श्री भोजराज नाग, विधायक श्री किरण सिंहदेव के संग क्षेत्र के सबो विधायक अऊ जनप्रतिनिधि मन के गरिमामयी मौजूदगी रइही।