रायपुर, 20 फरवरी 2024। बस्तर ले लेके सरगुजा अंचल तक के महिला मन ल अब अपन घरेलू उपयोग बर पनघट म जाके पानी भरे के जरूरत नइ होवय अऊ नइ ही झिरिया के पानी पीए बर ओ मन ल मजबूर होना परही। मुख्यमंत्री श्री विष्णु देव साय ह हर घर नल ले जल पहुंचाए के गारंटी देहे हे। ए म तेजी ले काम होवत हे। एखर बर छत्तीसगढ़ सरकार के बजट म 4 हजार 5 सौ करोड़ रूपिया के प्रावधान रखे गए हे।
हर घर तक स्वच्छ जल उपलब्ध कराए बर प्रधानमंत्री श्री नरेन्द्रमोदी के अगुवई म देश भर म जल जीवन मिशन शुरू करे गए हे। ए मिशन के अंतर्गत हर एक परिवार के दैनिक जरूरत बर 55 लीटर जल नल ले उपलब्ध कराए जाही। छत्तीसगढ़ म ए अभियान ल तेजी ले पूरा करे जात हे। राज्य के 49.98 लाख घर तक नल ले जल पहुंचत हे। ए मिशन के अंतर्गत 75 प्रतिशत घर म नल ले जल पहुंचाए के काम सफलता से करे जात हे। बांचे 25 प्रतिशत घर म नल ले जल पहुंचाए बर लउहे काम होवत हे।
जल जीवन मिशन विकसित भारत के संकल्प ल पूरा करे बर एक क्रांतिकारी अभियान हे। ए मिशन के संग लइका मन के स्वास्थ्य ल सुरक्षा मिलही। लइका मन अऊ बड़े मन म होवइया जलजनित बीमारी मन ले निजात मिलही। उहें महिला मन ल घलोक ऊंखर घरेलू कामकाज बर जादा बेरा मिलही। ए बेरा के उपयोग महिला मन अपन आर्थिक गतिविधि मन बर कर सकहीं।
बस्तर ले सरगुजा तक हर घर जल के लक्ष्य होवत हे पूरा
