समलु ल मिलीस सौर सुजला योजना ले सोलर पंप: सिंचाई बर बरसा के अगोरा अब नइ करे ल लागय

जगदलपुर, 23 जुलाई 2020। राज्य शासन के अतिमहत्वपूर्ण सौर सुजला योजना ले जिला के ग्रामीण मन लाभांवित होवत हें। बस्तर जिला के बकावण्ड विकासखण्ड के ग्राम बजावण्ड निवासी श्री समलु बेसरा ह अपन तीन एकड़ खेत म 03 एच.पी. के सोलर पंप क्रेडा के सहयोग ले स्थापित करे रहिस। 03 एच.पी. पंप स्थापना बर राशि 02 लाख रूपिया के खर्च आथे। क्रेड़ा के अनुदान के बाद कृषक ल मात्र 10 हजार रूपिया म पंप देहे गीस। पंप लगे के बाद कृषक ह 03 एकड़ खेत म मक्का के खेती करे रहिस जेखर से 12 टन मक्का के उत्पादन होइस अऊ 12 टन मक्का ल 1120 रूपिया प्रति क्विंटल के दर ले विक्रय करके किसान ल राशि 1 लाख 34 हजार 400 रूपिया के आर्थिक लाभ होए हे।