शहीद श्री महेंद्र कर्मा के जीवन उपर आधारित हे किताब
रायपुर, मुख्यमंत्री श्री भूपेश बघेल ह काली संझा अपन निवास कार्यालय म शहीद स्वर्गीय श्री महेंद्र कर्मा के जयंती के पूर्व संध्या म ऊंखर जीवन उपर आधारित किताब ‘बस्तर टाइगर‘ के विमोचन करिन। लेखक द्वय श्री कुणाल शुक्ला अऊ प्रीति उपाध्याय के लिखे ये किताब म बस्तर टाइगर के नाम ले लोकप्रिय शहीद महेंद्र कर्मा के जीवन के अनछुए पहलु मन ल साझा करे गए हे। लेखक मन ह मुख्यमंत्री ल बतान कि ये किताब के माध्यम ले शहीद श्री महेंद्र कर्मा के आदिवासी मन के विकास के प्रति उंखर सोच अऊ लोकतांत्रिक मूल्य मन के प्रति उंखर गहिर आस्था ल पाठक मन के आगू रखे गए हे। शहीद श्री महेन्द्र कर्मा, गांधी-नेहरू के विचार ले प्रेरित रहि। उमन आजीवन बस्तर म शांति बर प्रयास करिन। किताब म शहीद श्री महेन्द्र कर्मा के सलवा जुड़ूम ल लेके विचार पहली पईत पाठक मन के आगू प्रस्तुत करे गए हे। मुख्यमंत्री ह लेखक द्वय ल किताब के प्रकाशन म हार्दिक बधाई अऊ शुभकामना दीन। ये बेरा म श्री अभिषेक शुक्ला, श्रीमती ऋचा अग्रवाल, श्री अनिकेत तिवारी संग आन मनखे उपस्थित रहिन।
