बस्तरिहा मन ल लउहे मिलही सर्व सुविधायुक्त खेल परिसर के सौगात

रइपुर, 27 जुलाई 2021 मंगल। अपन सुग्घर प्राकृतिक सौन्दर्य अउ विशिष्ट सांस्कृतिक पहचान बर पूरा देश अउ दुनिया म विख्यात बस्तर के भूइयां खेल प्रतिभा मन ले तको भरे हे। ये खेल प्रतिभा मन ल तराशे अउ उन मन बरोबर सुविधा देहे बर आवश्यकता मन ल देखत मुख्यमंत्री दाउ भूपेश बघेल के नेतृत्व म तेजी ले बूता करे जावत हे । राज्य शासन के विशेष प्रयास मन ले खेल प्रतिभा मन ल बरोबर प्रशिक्षण बर महत्वपूर्ण संस्थान के स्थापना के बस्तरिहा मन के सपना लउहे साकार होवइया हे । ये बछर के आखिरी तक जगदलपुर शहर के धरमपुरा स्थित क्रीड़ा परिसर म खेल मन बर कईयो ठिन सुविधा प्रारंभ हो जाही। एकरे संग बछर 2022 के शुरूआते म बस्तरवासी मन बहुउद्देशीय अउ बहुउपयोगी खेल परिसर के बहुप्रतिक्षित सौगात मिल जाही।
ये खेल परिसर म 4 करोड़ 48 लाख रूपिया लागत के बहुउद्देशीय बॉलीबाल हाल के छोड़ 400 मीटर कॉम्पीटीशन अउ 200 मीटर वार्मअप सिंथेटिक ट्रेक, 120 मीटर आरचरी रेंज के छोड़ एकेच परिसर म इंडोर खेल मन के खिलाड़ी अउ प्रशिक्षक मन के पूरा सुविधा ले युक्त बहुउद्देशीय हाल के तको निर्माण करे जावत हवयं। एकर छोड़ खेल परिसर म ऊंची कूद, लंबी कूद, कबड्डी कोर्ट, बॉलीबॉल कोर्ट व 200 मीटर 6 लेन के पै्रक्टिस टेªक निर्माण होवइया हे एकर संगे—संग ये परिसर म लंबी दौड़, तीरंदाजी, कबड्डी, बॉलीबॉल, ऊंची कूद आदिबर तको मैदान अउ कोर्ट बनाए जाही। बस्तर के खिलाड़ी अउ खेल प्रेमी मन फुटबाल, क्रिकेट मैदान, 400 मीटर सिंथेटिक टेªक अउ मल्टीपरपस हाल निर्माण के अबड़ दिन के मांग करत रहिन हे।