रायपुर, 18 नवंबर 2024
मुख्यमंत्री श्री विष्णु देव साय के अध्यक्षता म चित्रकोट म आयोजित बस्तर क्षेत्र आदिवासी विकास प्राधिकरण के पहली बैठक म बस्तर म पर्यटन ल बड़का पैमाने म बढ़ावा देहे बर टूरिज्म कॉरिडोर बनाए बर विचार-विमर्श करे गिस। संगे संग बस्तर अंचल के पर्यटन बर चिन्हित जगा मन ल विकसित करे बर रणनीति तैयार करे गिस। बैठक म बस्तर म एनएमडीसी द्वारा सुपर स्पेशियलिटी हॉस्पिटल के निर्माण के संबंध म तको चर्चा करे गिस। इस मौका म श्री साय ह सौर समाधान अउ मनो बस्तर एप्प लॉन्च करीन अउ सौर ऊर्जा चलित पॉवर बैंक के शुभारंभ करीन।
मुख्यमंत्री श्री साय ह संयुक्त राष्ट्र विश्व पर्यटन संगठन द्वारा सर्वश्रेष्ठ पर्यटन गांव के उन्नयन कार्यक्रम बर कांगेर घाटी राष्ट्रीय उद्यान म स्थित धूड़मारास गांव के चयन म प्रसन्नता व्यक्त करत कहीन कि एकर ले बस्तर ल नवा पहिचान मिलही। उल्लेखनीय हे कि संयुक्त राष्ट्र के पर्यटन ग्राम उन्नयन कार्यक्रम बर 60 ठिन देश ले चयनित 20 गांव मन म भारत के छत्तीसगढ़ राज्य के धूड़मारास ह तको अपन जगा बनाए हावय। अपनी जगह बनाई है।
मुख्यमंत्री ह कहीन कि केंद्रीय गृह मंत्री श्री अमित शाह ह मार्च 2026 तक माओवादी आतंकवाद ल खत्म करे के लक्ष्य रखे हावय। हमन ह बस्तर म पूर्ण शांति बहाली करत अंदरूनी क्षेत्र तक लोकतंत्र के जड़ ल मजबूत करे के संकल्प ले हावन। येह तभे होही जब शासन के प्रति नागरिक मन के विश्वास मजबूत होगी। ये विश्वास विकास ले ही निर्मित होही।
मुख्यमंत्री ह कहीन कि नियद नेल्लानार योजना के तहत 34 ठिन नवा सुरक्षा कैंप खोले गे हेवय। जिहां ग्रामीण मन ल आनी बानी के सुविधा तको दे जावत हे। बस्तर म शांति कायम करे बर केंद्र अउ राज्य दूनो सरकार सरलग उदीम करत हावय। बैठक म मंत्री, सांससं, विधायक मन ले अमूल्य सुझाव मिले हे। सबो टीम भावना ले काम करके विकास के प्रति एकजुटता दिखावयं।
